Gwybodaeth ac adnoddau

Rydym ni mewn sefyllfa unigryw fel sefydliad ar gyfer pobl anabl sy'n cael ei arwain gan gleifion yng Nghymru. Mae hyn yn golygu bod gan ein haelodau brofiad gwirioneddol o gael gofal iechyd yng Nghymru, gan gynnwys y rhwystrau a'r problemau y gellid dod ar eu traws fel cleifion sy'n gweithio eu ffordd drwy system sy'n gallu bod yn gymhleth iawn. Dyma'r persbectifau unigryw y mae FTWW yn ceisio eu rhannu yn ei adroddiadau sy'n cael eu harwain gan gleifion, ei ymateb i ymgyngoriadau, a'r gwybodaeth a rannwn gyda'r rhai sy'n gwneud penderfyniadau a gyda'r cyhoedd.

Yn ogystal â chasglu profiadau a blaenoriaethau ein haelodau a'n buddiolwyr, rydym ni hefyd yn ceisio darparu taflenni a gwybodaeth i chwalu'r mythau, a hynny i godi ymwybyddiaeth ac i drechu rhai o'r camsyniadau am y materion hynny. Rydym ni hefyd yn cefnogi aelodau i herio triniaeth annheg drwy eu cyfeirio at ffynonellau arbenigol o gyngor, gwybodaeth a chymorth, a thrwy greu templedi o lythyrau iddynt eu defnyddio wrth ohebu ag Aelodau o'r Senedd.