⌂ / Ein gwaith / Polisi ac ymchwil /
Ein hadroddiadau a'n maniffestos
Mae gan ein haelodau brofiad go iawn o gael gofal iechyd yng Nghymru, a'r safbwyntiau a'r blaenoriaethau unigryw hyn y mae FTWW eisiau eu rhoi yn ein hadroddiadau a'n maniffestos.
Mae FTWW yn treulio llawer o amser yn casglu barn a safbwyntiau ein cymuned ar iechyd a phynciau sy'n ymwneud ag iechyd. Rydym ni'n gwneud hyn drwy ddeialog barhaus gyda'n haelodau yn ein grŵp ar-lein, arolygon, a grwpiau ffocws.
Rydym ni hefyd yn ymgysylltu'n rheolaidd â'n haelodau wrth drafod materion eraill sydd o bwys iddyn nhw ac sydd o fewn ein cylch gwaith ni o fynd i'r afael ag anghydraddoldebau iechyd, e.e. yr angen am addasiadau rhesymol yn y gweithle, y materion lluosog sy'n achosi tlodi a sut gall hyn achosi a gwaethygu afiechyd, problemau anabledd a hawliau, a phwysigrwydd 'cyd-gynhyrchu' mewn gwasanaethau.
Rydym ni'n gwneud hyn i roi gwybodaeth angenrheidiol i gyrff allanol ddatblygu canllawiau clinigol, polisïau ac arferion gwell a mwy cynhwysol yng Nghymru a'r DU.
Dyma rai o'n prif adroddiadau a maniffestos:
Datganiad Ansawdd Iechyd Menywod Cymru 2022
Fel cyd-gadeiryddion #CynghrairIechydMenywod, fe wnaeth FTWW a BHF Cymru hwyluso'r gwaith o gyd-gynhyrchu Datganiad Ansawdd ar gyfer Iechyd Menywod, Merched a'r Rhai a Bennwyd yn Fenywod yng Nghymru.
Mae'r adroddiad yn trafod sut mae menywod yng Nghymru yn cael canlyniadau iechyd gwaeth na dynion, a bod angen camau ar frys i sicrhau eu bod yn cael gofal a thriniaeth gyfartal.
Adroddiadau
Rydym ni'n creu adroddiadau dan arweiniad cleifion gyda chymorth a mewnbwn gan ein Hyrwyddwyr Gwirfoddolwyr a'n haelodau. Rydym ni'n cyhoeddi ac yn dosbarthu'r adroddiadau i ddarparwyr iechyd yma yng Nghymru i godi ymwybyddiaeth o bynciau iechyd sydd o bwys i ni. Mae modd cael adroddiadau ar faterion iechyd ar y tudalennau sy'n berthnasol i'r broblem iechyd berthnasol, a gallwch eu darllen yma (saesneg yn unig).
Mae rhai o'n prif adroddiadau ar gael isod.
Cyflwyno'r Achos dros Driniaeth Well ar gyfer Endometriosis yng Nghymru
Adroddiad gan FTWW
Adroddiad Grŵp Gorchwyl a Gorffen Llywodraeth Cymru ar Endometriosis yn 2018
Adroddiad a gasglwyd gan Mr Richard Penketh, gynecolegydd ymgynghorol, gyda chymorth a chyfranogiad gan FTWW
Cyflwyno'r Achos dros Ofal Gwell ar gyfer Camesgoriad yng Nghymru
Mae'r adroddiad yn darparu safbwyntiau defnyddwyr gwasanaethau i GIG Cymru ar ofal ar gyfer camesgoriad yng Nghymru, a sut gellid ei wella i leihau'r niwed sy'n cael ei achosi gan ofal anghyson o ansawdd gwael.
Making the Case for Better Lupus and Rare Auto-Immune Disease Provision for Patients in Wales (2021) (Saesneg ar unig)
Darllenwch yr adroddiad hwn gan FTWW
Adroddiad FTWW ar Ffisiotherapi Pelfig yng Nghymru
Mae'r adroddiad yn nodi pa newidiadau sydd angen digwydd i wella gofal a gwasanaethau i'r rhai sydd angen cael mynediad at ffisiotherapi pelfig yng Nghymru:
Cyflwyno'r Achos dros Well Wasanaethau ar gyfer y Menopos yng Nghymru
Adroddiad gan FTWW
Maniffestos
I ymateb i etholiadau Senedd Cymru, fe wnaethom ni gyd-gynhyrchu Maniffestos yn seiliedig ar sgyrsau gyda'n haelodau, yn annog pleidiau i flaenoriaethu iechyd menywod.
Maniffesto 2026-2030: Ein Hawl Ni i Iechyd a Llesiant yng NghymruLansio
Ein Hawl Menywod i Iechyd a Llesiant yng Nghymru ei gyd-baratoi gydag aelodau FTWW, ac mae'n cynnwys materion cyfredol sy'n wynebu gofal iechyd menywod yng Nghymru a'n galwadau i Lywodraeth nesaf Cymru ar sut i fynd i'r afael â nhw.
Maniffesto 2021: Rhoi'r Flaenoriaeth i Iechyd Menywod yng Nghymru
Cafodd y maniffesto hwn ei anfon at bob plaid ac ymgeisydd yn y cyfnod cyn etholiadau Senedd Cymru yn 2021. Roedd yn seiliedig ar y trafodaethau a gafodd ein haelodau mewn cyfres o Grwpiau Ffocws a gynhaliwyd ar-lein yn Hydref 2020. Diolch o galon i bawb a fu'n rhan ohonynt. Mae'r Grwpiau Ffocws a'r gwaith wedi hynny wedi cael eu hariannu gan Rosa: y gronfa yn y DU ar gyfer Menywod a Merched.
Cymraeg 
English (UK)