Roedd Debbie ac Isabel o FTWW yn falch o gael rhoi cyflwyniad gerbron Fforwm Darparwyr Gwasanaethau Bae'r Gorllewin, sy'n cynnwys awdurdodau lleol yn Abertawe a Chastell-nedd Port Talbot, i rannu tystiolaeth am y cysylltiad rhwng hormonau, iechyd meddwl, a'r risg bosibl o hunan-niweidio a defnyddio sylweddau, er mwyn i wasanaethau allu bod yn fwy ymwybodol a gallu adnabod pryd y gallai menywod a phobl a ddynodwyd yn fenywod ar eu genedigaeth fod mewn mwy o berygl, fel yn ystod y glasoed, ar ôl rhoi genedigaeth, ac yn ystod y peri-menopos.
Mae'n wych gweld sut mae gwasanaethau fel y rhain yn barod i herio stereoteipiau, mythau ac ystyriaethau hygyrchedd sy'n gallu ei gwneud hi'n anoddach o lawer i fenywod a phobl a ddynodwyd yn fenywod ar eu genedigaeth ymrwymo i wasanaethau ar gyfer defnyddio sylweddau. Edrychwn ymlaen at weld beth a wnânt nesaf i ehangu eu harlwy.
Meddai Jamie Harris, Cadeirydd y Fforwm Darparwyr:
“Roedd y cyflwyniad gan FTWW yn ddiddorol, yn bwerus ac yn berthnasol iawn. Bu’n tynnu sylw at y profiadau go iawn y tu ôl i'r wybodaeth [ac] yn atgyfnerthu pa mor hanfodol yw hi bod lleisiau menywod yn siapio gwasanaethau defnyddio sylweddau ac, yn bwysicach, bolisïau. Roedd yn gyfraniad hynod werthfawr i'r Fforwm Darparwyr ac i'n gwaith i’r dyfodol”.
Diolch o galon i'r Fforwm Darparwyr am y gwahoddiad!
Cymraeg 
English (UK)