Gan effeithio ar filiynau o fenywod a phobl y rhoddwyd nhw yn y categori menywod adeg eu geni, pwrpas y cam hirddisgwyliedig o newid yr enw PCOS (Syndrom Ofarïau Polysystig) i PMOS (Polyendocrine Metabolic Ovarian Syndrome) yw gwella diagnosis a gofal - ac, yn bwysig, i fynd i'r afael â'r myth ei fod yn 'ymwneud â systiau ar yr ofari'.
Nodweddir PMOS gan amrywiadau mewn hormonau, ac mae’n effeithio ar bwysau, iechyd metabolig a meddyliol, y croen, a'r system atgenhedlu.
Ers gormod o amser, mae’r enw 'PCOS' sy’n anhwylder hormonaidd neu endocrin cymhleth, hirdymor wedi arwain at gamddealltwriaeth am 'systiau' a ffocws ar ofarïau. Mewn gwirionedd, mae ymchwilwyr wedi canfod nad oes cynnydd mewn systiau annormal ar yr ofari gyda’r cyflwr, sy’n dangos ymhellach yr angen i newid yr enw.
Dros y tair blynedd nesaf, bydd PCOS yn cael ei newid yn raddol am yr enw newydd - PMOS - ar draws canllawiau, gwasanaethau ac adnoddau cleifion.
Yn ôl Verity, yr elusen sy'n cael ei harwain gan gleifion yn y DU, y mae FTWW yn gweithio'n agos gyda hi fel rhan o Glymblaid Iechyd Menywod Cymru, 'Bydd y newid hwn yn ail-fframio'r sgwrs ac yn mynnu bod PMOS yn cael ei gymryd mor ddifrifol â'r cyflwr iechyd hirdymor, cymhleth ydyw'.
Edrychwn ymlaen nawr at chwarae rhan i godi ymwybyddiaeth yng Nghymru - nid yn unig o'r newid enw, ond o'r angen am well triniaeth a chefnogaeth i'r cyflwr hwn sy’n cael ei gamddealledig a'r rhai sy'n byw gydag ef. Gwyliwch y gofod hwn!
Gallwch ddarllen y papur llawn sy'n esbonio'r newid enw a'r broses y tu ôl iddo yn The Lancet: https://www.thelancet.com/journals/lancet/article/PIIS0140-6736(26)00717-8/fulltext https://www.thelancet.com/journals/lancet/article/PIIS0140-6736(26)00717-8/fulltext
Cymraeg 
English (UK)